Бацькоускі універсітэт, які адбыўся у ДУА “Яслі-сад №2 “Сонейка” пад кіраўніцтвам выхавальніка Гарбачовай А.А., прапанаваў бацькам парады паступовага знаёмства дзяцей дашкольнага ўзросту з роднай мовай. Гарбачова А.А. прапанавала бацькам чытаць дзіцячыя кніжкі на роднай мове, беларускія часопісы для дзяцей, напрыклад “Вясёлка”, пераказваць казкі, ладзіць гульні. Таксама арганізавала з удзельнікамі універсітэта інтэрактыўныя гульні “Перакладзі правільна”, “Кубік”, дзе яны паказалі свае здольнасці валодання беларускай мовай і разважалі адносна ужывання і вывучэння беларускай мовы. Выхавальнікі дашкольнай установы для бацькоў праспявалі на роднай мове песню “Зайграйце, музыканты”, прачыталі вершы беларускіх пісьменнікаў, прынялі удзел у рухомых беларускіх народных гульнях.
Калі бацькі будуць рухацца паступова, але ўпарта і тады, калі іх дзіця пойдзе у школу, яны убачаць, што нездарма бавілі з ім час, далучаючы яго да роднай мовы.