У дзяржаўнай установе адукацыі "Яслі - сад №2 "Сонейка" г. Касцюковічы" прайшоў Дзень роднай мовы. Дарослыя і дзеці на працягу дня размаўлялі на роднай мове. З выхаванцамі былі арганізаваны розныя формы адукацыйнай работы, гэта і тэматычныя заняткі на тэмы: "Народная цацка", "Транспарт, які зроблены ў Беларусі", "Родная мова", праведзены рухомыя і дыдактычныя гульні, выхаванцы разглядвалі малюнкі, а знаёмыя ўсім дзецям лялькі Алеся і Глаша з дзяўчынкамі-беларусачкамі наведалі ўсе групы, выхаванцы з задавальненнем сустракалі іх, чыталі ім вершы, гралі на гліняных цацках-свістульках, спявалі калыханкі на роднай мове, гулялі з імі. Дзяўчынкі - беларусачкі раздалі лісты для бацькоў "Размаўляем разам з дзецьмі на роднай мове", каб бацькі вывучылі вершы, пагаворкі на роднай мове з дзецьмі. Таксама бацькі прынялі удзел у гульне "Перакладчыкі", у якой праверылі свае веды роднай мовы. Усе разам, дарослыя і дзеці вывучаем сваю прыгожую, пявучую, родную мову.